Babestutako kultur ondasunen definizioa

Arte Ederren eta Ondare Kulturalen eta Artxibategi eta Liburutegien Zuzendaritza Nagusia, Ondare Historikoa Babesteko Azpizuzendaritza Nagusiaren bidez, Kultur Intereseko Ondasunen Erregistro Nagusia eta Ondasun Higigarrien Inbentario Nagusia zaintzeko eta eguneratzeko arduraduna da. Hor autonomia erkidegoek eta Estatuak, nolabait ere, babestuko dituzten ondasunei buruzko informazioa ageri da.

Nolabait ere babestuta dauden kultur ondasun hauek bi datu basetan kudeatzen dira:

Ondasun higigarriak

Kode Zibilaren 335. artikuluaren arabera, ondasun higigarriak eros daitezkeen ondasun ez higiezinak dira eta, oro har, leku batetik bestera, lotuta dauden gauza higiezinari kalterik eragin gabe garraia daitezkeenak.

Datu base honetako ondasunak Kultur Intereseko Ondasunen aitorpena izan dezakete edota Ondasun Higigarrien Inbentario Nagusian sar daitezke.

Ondasun higiezinak

Ondasun higiezinak Kode Zibilaren 334. artikuluan zehaztutakoak dira. Era berean, eraikinen zati banaezin direnak eta horien edota horien inguruaren zati direnak edota izan direnak ere hartzen ditu barne, nahiz eta bereizten badira, beste eraikin batzuei edota berezko erabilera ez beste bati erraz aplika daitezkeen eraikin oso bat osatu (16/1985 Legearen 14.1 art.).

Espainiako ondare historikoko ondasun higiezinek aitorpen hauek izan ditzakete:

• Monumentuak
• Lorategi historikoa
• Multzo historikoa
• Leku historikoa
• Inguru arkeologikoa

Datu base honetako ondasun guztiak Kultur Intereseko Ondasun izendatuak izan dira.