Presentación

Premios Convocados polo Ministerio a través da SXPLLL

Os premios que convoca e concede cada ano o Ministerio a través da Subdirección Xeral de Promoción do Libro, a Lectura e as Letras Españolas, teñen como obxectivo estimular a creación literaria mediante o recoñecemento público do labor dos autores cuxas obras destacaron especialmente a xuízo dun xurado de expertos en cada modalidade. Igualmente se recoñece o labor a prol da difusión da cultura de determinadas entidades e profesionais.

A pluralidade lingüística e a diversidade cultural que caracteriza á sociedade española, a gran variedade e riqueza das literaturas en castelán, catalán, galego, valenciano e vasco, é fomentada polo Ministerio en todas as manifestacións relacionadas co libro. Así se reflicte na composición dos xurados, que inclúen a un representante de cada unha das institucións que velan polas linguas oficiais de España.

Estes xurados actúan, en calidade de expertos e de representantes institucionais, con toda independencia, rigor e ecuanimidade, o que contribúe ao prestixio dos Premios, cuxa función é servir de acicate para os autores novos, contribuír á consolidación de autores cunha importante obra en marcha e distinguir a traxectoria de toda unha vida dedicada á creación en calquera das súas facetas.